黃埔天地「嘆美食‧寵毛孩 攝影比賽」 冠軍獎$5000餐飲禮券

黃埔天地有80幾間人氣及話題食肆，黛安收到風，下周一（24日）起至8月31日，佢哋會舉辦「嘆美食‧寵毛孩攝影比賽」，設「搵『夏』美食」、「影『夏』毛孩」兩個組別，參加者只要喺場內食肆以「美饌」或「萌寵」為主題影相，上載至個人社交平台，再標記@thewhampoa #黃埔天地#嘆美食寵毛孩攝影比賽#搵夏美食#影夏毛孩，即可參加比賽，冠軍可獨享價值$5,000餐飲禮券㗎。

今次比賽邀請咗網紅旅行攝影師Derek Tang、情侶檔郭子豪、鄧卓殷，及人氣薩摩耶犬「烏冬」飼主@samoyed_udon做評審，佢哋會喺個人社交平台分享拍攝小技巧及重點，並為兩組選出冠、亞、季軍，結果會喺9月15日於黃埔天地fb及IG公布。