恆香×《蠟筆小新》 推Q版禮盒月餅

中秋節將至，今年恆香聯乘搞鬼可愛嘅《蠟筆小新》推出多款中秋產品，Q版禮盒盛載住熟悉嘅中式餅點味道，例如「蠟筆小新x恆香團圓禮盒」、「蠟筆小新x恆香酥餅便當」等，分別以雙色日版小書包、日式雙層便當造型做禮盒，隨盒更附送蠟筆小新購物袋或蠟筆小新便當袋。而「蠟筆小新限量版3層收納盒套裝」就會喺愉景灣酒店內嘅蠟筆小新限定店獨家發售，盒內除咗有流心奶黃酥（3件）和恆香老婆餅（2件），更附送行李帶、環保袋及拉伸匙扣㖭。

黛安知道，堅持傳統並糅合新意嘅恆香，今年仲會推出香芋麻糬酥皮月餅、甘栗黑糖麻糬酥皮月餅，及蛋黃豆沙酥皮月餅和金沙奶黃酥皮月餅4款新口味。而人氣及傳統月餅亦會換新裝，仲加咗新口味，當中「流心奶黃系列」加入宇治抹茶黑芝麻和阿華田脆脆全新口味；傳統月餅方面，除咗首次推出迷你蛋黃斑蘭月餅外，更為四喜滿堂月餅禮盒換新裝。即日起至8月31日，購買恆香指定數目月餅或月餅禮券，可獲購物現金券及獎賞，多買多賞，送完即止。