「細菌大王」之父創作傳染病小子 助大眾認識感染控制

過去3年疫情凸顯感染控制嘅重要，黛安聽聞，為確保社區能有效應對各種傳染病，香港紅十字會喺香港賽馬會慈善信託基金捐助下，推行為期5年嘅「賽馬會感染控制訓練及支援計劃」，為5大高危行業如社福界、教育界、酒店業、物業管理業及餐飲業，建立專業、實用及可持續嘅培訓機制。

紅十字會更邀請咗教育電視動畫「細菌大王」作者黃玉成創作6款傳染病小子，以趣味方式介紹唔同嘅傳染病。計劃將於本周六（19日）舉行揭幕禮，馬鞍山新港城中心亦會一連兩日舉行傳染病互動展覽。展覽設4大展區，包括VR體驗區，亦設有展板，講解港人面對過嘅多種傳染病挑戰，如霍亂、非典型肺炎及新冠疫情。場內更設「抗疫大作戰」遊戲，市民更可免費喺布藝工作坊發揮創意，親手設計防疫小布袋帶回家㖭。