元朗又新街可謂區內新食街，人來人往，好不熱鬧，筆者先帶大家嘗酒店級甜品，再吃型格漢堡。之後，齊齊轉入較寧靜的西菁街，試試大熱的雞翼包，最後在溫情日本小店歎咖喱湯烏冬；不同美食熱點，為元朗飲食文化添上色彩。
1. $72「米」格 Wins Goodies
元朗又新街食店林立，其中一間「Wins Goodies」就以大眾化價錢，讓大家品嘗酒店級甜品。老闆阿Wins曾在五星級酒店擔任糕餅總廚，後來由港島人變成元朗友，有感整個社區都在急劇改變，毅然離開工作20多年的酒店廚房，尋覓一個全新天地。
阿Wins說：「自己喺酒店工作多年，難以再有突破，同時亦擔心自己嘅手藝會失傳，想搵一個新平台發展，加上當時女兒將會去外國讀書，想多陪佢，最後就落腳屋企附近嘅又新街。」店內每款甜品的用料、調味、造型，都經過精心設計。阿Wins事事親力親為，亦主意多多，而且他亦愛聽從「民意」，聽過客人意見後會加以改良，當中最特別是一款名為「『米』格」的甜品。
「米」格是由米粉造成，它的前身是「窩夫」，但客人認為「窩夫」必須趁熱吃才美味，過了時間便遺失其精髓，為了令客人可慢慢細嘗，阿Wins便自創這款「米」格，無論任何時候吃，依然保持香脆。此外，牛角酥與蘋果條亦是鎮店之寶。每朝阿Wins會親自焗製牛角酥與蘋果條，確保味道與品質，其中，牛角酥更有鹹、甜食法，果然創意十足。
Wins Goodies
地址：元朗又新街33C號地下9號舖
電話：5545 8328
營業時間：星期二至日，14:00-18:00、19:30-00:00，星期一休息
2. $32香蒜椒鹽雞翼包 好包
包，又怎會得一種食法。筆者帶大家走遠一點，來到西菁街，吃一個「好包」。
店內大廚Vincent原本任職私房菜西廚，也賣自家搞作雞翼包，只限外賣，後來跟女朋友Kay在元朗物色到新舖，便決定將這包做主打，改店名「好包」。Vincent深明香港人愛吃雞翼，但又怕「噒骨」，所以將雞翼去骨，食落啖啖肉，再來一個港式x西式的雞翼包，一推出，引來眾多粉絲，銷情更愈來愈勁，由日賣60個，變成120個甚至150個，成為這區新一代名物。
雞翼包有四款，最受歡迎要數香蒜椒鹽、蜂蜜，另有元朗店新作青咖喱，及西式style香草醬。基本都是Ciabatta包加三大隻去骨雞翼+配菜醬汁組成，聽落簡單，但麵包是自製，從發酵、造型至烘焗，差不多花上兩日時間預備，確實不簡單。
好包
地址：元朗西菁街2號興旺樓地下1C號舖
電話：6856 4772
營業時間：星期二至日，12:30-20:30，星期一休息
3. $73海豚灣小漢堡與梳打 Urban United Burger & Bar
一條又新街怎會只有甜品店呢？向前行不遠處，便有間將漢堡與飲品合二為一的花臣小店。
「Urban United Burger & Bar」為美式漢堡專門店，門面採用黃色框落地玻璃，室內還有水管裝飾燈，以及chic爆塗鴉，非常搶眼，擺明是打區內年輕人市場。
店舖不但主打年輕人，更照顧到一班有「選擇困難症」的朋友，推出的「海豚灣小漢堡與梳打」，一次解決了食物和飲品的問題。造型有趣的藍色柑桔特飲上，插上兩串漢堡，一看就知極之豐富，漢堡餡料分別是泰式炸雞和意大利番茄肉丸，享用時一口串堡，一口飲品，好有掃街feel。
除了有以上搞鬼漢堡，更有大路的牛肉漢堡，還有很多創意配搭，像炸雞肉、番茄肉丸、軟殼蟹、鵝肝、Parma ham等，統統成為材料。值得一提是，小店其中一位老闆曾留學德國，對麵包份外有要求，採用的包底屬全麥包，不帶甜，口感鬆軟得來又實在，加上先塗牛油再烘，特別香口呢！
Urban United Burger & Bar
地址：元朗又新街37-51號富祐閣地下8-9號舖
電話：3708 8493
營業時間：星期一至五，12:00-00:00、星期六、日及公眾假期，11:00-00:00
4. $56咖喱湯烏冬 鈴夏食堂
「鈴夏食堂」的老闆娘Frebe，說得一口流利日文，沉迷《深夜食堂》，畢業後在日資公司打工，心底最大夢想，是開一間溫情日式小店。
Frebe為元朗街坊，花上七個月時間物色心儀舖位，終在八月底試業，食物款式還在慢慢增加，為打響名堂，率先推出最有信心的咖喱湯烏冬。無他，身邊有位烏冬達人做顧問。
寺田師傅用了十多年的時間，浸淫在日本麵食世界，又曾踏遍日本數處研修，包括烏冬之鄉-四國香川，學習做古法足壓烏冬，堅持用上保存期只有三天的讚岐生烏冬，配方是自己研發的，小麥麵粉取相熟鳥取縣廠商出品，搓起靜置三天，紮實中帶嚼勁。
餐牌上有不少《深夜食堂》出現過的料理，特別是一些小吃料理。另外，老闆娘着重蔬菜配搭，天天去元朗街市買餸，色彩紛陳，黃的綠的紫的，看得人精神奕奕。
鈴夏食堂
地址：元朗西菁街2號興旺樓地下1E號店
電話：3686 1606
營業時間：星期一至日，12:00-16:00、18:00-21:00（試業期間）
撰文：唐蔚霖
攝影（部分）：林良明
插畫：Human Ip
編輯：余運慶
設計︰大雄