- SkyPost - 晴報電視

銅鑼灣新開麵包店超多選擇，由港式、日式及西式麵包都有，超過40款。多到揀唔到？記者推介大家必試紫薯焦糖燉蛋法包，將法式甜品及麵包結合，有香脆焦糖、軟糯紫薯、香滑焦糖燉蛋及外脆內軟的法包，咬下吃到多重口感。日式麵包有日式芝士明太子包及紅豆麻糬鼓；港式則有田園粟米包、芝士瀑布以及吞拿魚包等。歐式麵包也有自家酸種製作的酸種麵包，口感較鬆軟，麥香氣十足；焦糖蘋果肉桂包很軟熟。近期仲推出優惠，包括早餐買指定麵包，再嘆杯美式咖啡，都只係$15，而且晚上7點後享有買三送一優惠，咁就可以試多幾款麵包啦。