- SkyPost - 晴報電視

由兩大影帝梁朝偉同郭富城主演嘅電影《風再起時》，今晚喺尖沙嘴舉行首映禮，原來佢哋唔係第一次，城城透露佢哋喺1988年曾經合作過無綫處境劇《都市方程式》，仲指偉仔係飾演教練，不過偉仔話：「唔記得喇！」何佩瑜喺2016年同導演翁子光拍拖，可惜最終分手收場，呢對過氣戀人，因為呢部電影再重遇，何佩瑜就話冇尷尬，分咗手都仲係朋友。吳卓羲早排喺內地節目爆粗，佢就認為無傷大雅。