《愛回家》細龍生四美相伴賀生日 合照洩新演員加入同群姐搶飯碗

《愛回家之開心速遞》播放了2年半，劇中演員開工拍攝日見夜見，建立非常深厚的友情。近日適逢是「細龍生」鄭世豪的41歲生日，「媽媽」蘇恩磁、「細龍太」陳偉琪都特別約食飯慶生。

在鄭世豪的IG限時動態中所見，大家為他唱生日歌慶生，他們還角色上身，當世豪喝陳偉琪幫忙切蛋糕時，陳偉琪說：「我堂堂雷珍妮，你叫我分蛋糕？唔緊要，我分，分得核突你唔好話我！」隨後她繼續維持角色本性對「奶奶」蘇恩磁無禮：「分啦奶奶！又要逼人生仔！」蘇恩磁都繼續接戲說：「你真係想我畀個妾侍返嚟呀？」場面非常搞笑，世豪都臨危不亂，攬實身邊的太太說：「呢個先係正室嚟呀！」

相關新聞：《愛回家》細龍生否認緋聞「只愛世豪太」曾一個劇演23閒角終捱出頭

{{hket:inline-image name="BD2.jpg"}}{{/hket:inline-image}}

鄭世豪同太太生日，戲內的太太都陪佢一齊慶祝。（圖片：鄭世豪IG）

{{hket:inline-image name="BD3.jpg"}}{{/hket:inline-image}}

「我堂堂雷珍妮，你叫我切蛋糕？」（圖片：鄭世豪IG）

{{hket:inline-image name="BD1.jpg"}}{{/hket:inline-image}}

（圖片：鄭世豪IG）

世豪與陳偉琪戲裡戲外都老友鬼鬼，早前被指背妻傳出緋聞，幸好火速解釋「戲內愛細龍太，戲外愛世豪太」，皆大歡喜，而世豪都解釋太太跟陳偉琪都認識，非常熟絡，不會有任何誤會，難怪世豪可以獲得四美相伴賀生日。問到為何馮素波會同座，莫非是《愛回家》新成員？世豪說：「蘇恩磁係我媽媽，其實波姐都演過我媽媽，之前我第一隻單曲《伴隨》MV就係搵波姐演我媽媽。琴晚食飯遇到，相請不如偶遇，就一齊食餐飯。」世豪9月14日生日，太太是13日生日，兩公婆剛好「1314」連埋一齊慶祝，夠晒浪漫。世豪說：「生日願望係健健康康、開開心心，《愛回家之開心速遞》收視常高，亦希望快快開到我第一個個人演唱會啦！」

相關新聞：《愛回家》抽水重演「安心偷食」 細龍生被車Cam拍下偷情遭勒索 

{{hket:inline-image name="BD4.jpg"}}{{/hket:inline-image}}

世豪的太太跟陳偉琪合照。（圖片：鄭世豪IG）

{{hket:inline-image name="70409901_632390600623568_8681578530721138730_n.jpg"}}{{/hket:inline-image}}

世豪同太太好Sweet呀！（圖片：鄭世豪IG）

雖然波姐唔係加入《愛回家》，不過小編就發現世豪另一張合照有馬海倫。相中見馬海倫穿着接龍集團清潔女工的制服，跟「群姐」（許思敏飾）一模一樣，似乎她都加入劇組，與群姐爭飯碗，看來清潔女工部門將會有新動向，大家要密切留意。

{{hket:inline-image name="69095266_657934758027363_766907187955713032_n.jpg"}}{{/hket:inline-image}}

正呀！有馬海倫加入《愛回家》。（圖片來源：鄭世豪IG）

{{hket:inline-image name="68833115_481269365762861_1121851410079882271_n.jpg"}}{{/hket:inline-image}}

(圖片：馬海倫IG)

撰文：楊安莉