【賊人出沒】港鐵觀塘站被偷Hermès銀包 港女慘遭狂碌卡共失19萬 公開可疑男一個動作警世

新冠肺炎疫情重創香港經濟，今年4月至6月的失業率更一度創逾15年新高，市民外出時宜多加看顧自己財物。一名港女日前在網上發文，指自己在港鐵觀塘站, 慘遭賊人偷去名牌Hermès銀包，兩張信用卡更在報失前被捷足先登狂碌，令她一共損失近19萬元。對此，她表示現已報警，而部分簽帳亦獲信用卡公司暫時凍結；而她在網上發文，是希望以自己的慘痛經歷警世。

「我銀包預咗一定係冇硬，但都想借個位分享，希望可以有更多人可以提防。」該名港女上周五（4日）在Facebook群組「巴打絲打 Facebook Club」發帖，指她上月25日放工後，在觀塘站上車準備回家。惟當車門準備關上時，突然被一名男子推了一下，

「我望咗佢一眼，但當時冇太在意，事後回想佢當其時眼神係有啲閃縮。」

小學生偷竊港媽狂畀藉口袒護，店員：祝佢以後唔好行差踏錯，詳情即睇：【下一頁】

惟前後不足半小時，事主回到住所附近欲買東西時，「打開袋搵銀包，先發覺唔見咗」。由於以為銀包遺留在公司，正當她欲致電仍在公司的同事時，信用卡公司突然來電問她是否有一筆69,300元的簽帳。此時，她才確認銀包已經遺失。其後，她問信用卡公司詢問簽帳商店名稱及大概地點後，再致電另一間信用卡公司報失，

「但已經太遲，另一張信用卡已經畀人碌咗$50,000，分別喺油塘超市同萬寧，我估計係買咗現金卷，佢之後可以再賣掉套現。」

「我再加埋銀包、現金總共損失差唔多$70,000。」事主表示，自己十分肯定今次是遇上扒手，「有可能跟咗我一段時間，趁我唔留意嘅時候落手。」她報失後始得知，原來觀塘一帶，

「有好多集團式嘅扒手、老童（應為「老同」，即吸毒者，有同道中人之意，又叫「道友」）等，流連喺金沙機舖同觀塘馬會。自問平時都幾小心，但都畀人有機可乘，可想而知，呢班扒手係專業嘅。」

最後她提醒，近來本港經濟狀況不佳，偷竊、甚至搶劫案發生得愈來愈頻繁，

「希望可以提醒大家要更小心啲保管自己財物。因為未發生係我自己身上之前，我都唔敢相信會咁容易遇到這種事情。」

千萬財產平分3兒留百萬養老 逆子毆慈父迫再分身家，詳情即睇：【下一頁】

每朝索取《晴報》：精明生活．健康家庭．開心娛樂

責任編輯：李凱晴