【Shall We Talk?】港男辭工欲進修追夢 被迫重新求職停工繼續交家用 壓力爆煲呻：覺得媽媽好現實

香港生活成本高昂，要追夢除了看個人能力及財力外，隨時更要過家人這關。一名港男在網上大吐苦水，指自己畢業工作兩年，辛苦儲到一筆錢後便辭工報讀課程，打算進修廚藝追夢；惟當他告知家人後，媽媽的反應極大，更與他大吵一場。最終其追夢計劃擱置，要在疫情下重新搵工；而在停工半年期間，更要繼續上繳家用。對此，他直言其實家中經濟狀況不俗，但無奈媽媽實在太現實，令他極大壓力，「佢樣樣都係講返工同講錢。」

「覺得自己媽媽好現實！」該名港男日前在網上討論區「連登」發帖，指自己本來修讀商科，「但真正嘅夢想係煮嘢食嗰條路」。畢業兩年後他工作順利，人工亦有多次升幅，每月會上繳四分之一人工予媽媽作家用。然而，自他投身社會後，由於媽媽「樣樣都係講返工同講錢」十分現實，因而令兩人關係每況愈下。

今年年初，已經儲了一筆錢的事主決定辭工報讀「藍帶」課程追夢，「嗰陣連課程都報埋，辭職之後先同屋企人講。」然而，他形容當時媽媽的反應十分誇張，

「完全反對我嘅諗法同決定，講到冇咗我筆錢就等於成個屋企財政狀況玩完，於是同佢都炒咗大鑊。讀書個方面亦都擱置咗，因為要留返筆錢做應急。」

兩母女住300多呎公屋，28歲港女在家工作呻媽媽煩厭：「每日激到做唔到嘢想分戶」，詳情即睇：【下一頁】

進修計劃擱置後工，事主嘗試尋找適合自己發展方向的工作，但一直沒有回覆；因新冠肺炎疫情關係，加上要繼續交家用，事主無奈向現實低頭，最終成功找到一份穩定工作。當他告知家人後，媽媽立即「勁開心」地恭喜他；對於媽媽的反應，事主直言感到難受，

「我覺得真係好失望，喺嗰段留喺屋企嘅時間，每日淨係問我有冇搵到工有冇interview（面試），完全冇諗過我嘅感受。」

他續指，自重有新工作後，有時晚上遲遲不睡，媽媽會走入房提醒他「咁夜仲唔瞓，聽日仲要返工喎」，令他十分反感：「每日只係緊張我份工，現實嘅程度令到我想嘔，而家寧願放工喺街食飯夜晚都唔想對住佢。」

最後，他表示自己並非介意要交家用，而是媽媽實在太現實，令他感到十分大壓力：「有時放工返到屋企就已經完全唔想再聽到關於返工嘅嘢，只係想好好咁唞吓，已經夠辛苦仲要俾媽媽chur（壓迫）。即使喺屋企，都好大壓力。」

女友家人賣樓下月舉家移民，29歲公務員不捨「鐵飯碗」痛問：我們係咪分得手？，詳情即睇：【下一頁】

此事引來網民熱議，不少人籲事主先了解家中經濟情況。對於「你屋企好窮等你啲錢開飯？」等提問，事主坦言「唔係，自給自足都有突」外，亦表示家住村屋，父母均有工作。對此，不少網民建議事主繼續儲錢，「自己將來自己決定」，「希望你及早自立門戶，追尋你理想嘅生活，我哋一齊加油，總有同路人。」

另有網民安慰事主，勿與媽媽計較太多，「可能佢表達得唔好啫，老一輩目光同思想未必追得上，覺得失業喺屋企hea（頹廢）、就等於廢柴，可能唔關錢銀事。」

每朝索取《晴報》：精明生活．健康家庭．開心娛樂

責任編輯：李凱晴