【你有壓力我有壓力】巴士男食排骨飯少女勸阻引爭執 港男一句幽默說話完美化解糾紛

在公共交通工具上，乘客之間容易因各種問題而引發紛爭。一名港男在網上分享，指昨早（17日）乘搭巴士時，一名男乘客在車內大吃排骨飯，傳來陣陣香氣；一名少女看不過眼上前勸阻，結果兩人爆發爭執。事主見狀後以一句幽默說話，成功化解兩人紛爭，引來一眾網民留言大讚。

該名港男昨日在Facebook群組「Tai Po 大埔」發帖，指昨早乘搭九巴路線74X上班時，有一個坐在上層尾排的「阿哥」竟然大吃排骨飯，傳來飯香肉香。他形容：

「戴住口罩都聞到，流晒口水！」

事主續指，此時另一名少女看不過眼，「叫佢唔好食嘢」，結果與該名男乘客爆發爭執。事主見狀後充當「和事佬」，

「我問阿哥，好香啊，可以畀一嚿排骨我吃嗎？然後兩個人都收咗聲，成架車靜晒。」

【見義勇為】聾啞少女巴士遭非禮求救，車長街頭窮追1公里擒可疑男，詳情即睇：【下一頁】

此事引來網民熱議，不少人留言大讚事主處理得當，「香港好需要呢種唔怕事同關心社會嘅精神」、「你係做咗一件好事，用幽默嘅手法解決咗一場紛爭」、「個女仔好勇敢！好多謝ching（師兄）你解圍！」、「好搞笑，你處理得好好，大家好落台」。對於有網民笑問「佢真係畀嚿排骨你點算」，事主搞笑回覆：「搭膊頭一起吃。」

此外，亦有不少網民表示曾遇過類似情況，認為在公共交通工具上飲食十分缺德，「未疫情前，我見過有兩母女，喺巴士食pizza啊，係我暫時有生之年，見到最誇張嘅巴士食嘢事件」、「榴連都見過，不過唔係成個，係超市包裝咗個隻」、「其實真係好影響到人㗎，尤其係我覺得最大陣味係咩呢，係有人買印尼撈麵上車食！聞到簡直想嘔」、「特別係菜肉包同牛肉包, 陣味濃到呢……仲要好耐都唔散」、「又話唔整污糟就得，但其實氣味都係污染嘅一種」。

【女士小心】東涌巴士大叔疑坐最後排露械，乘客：雙手放褲襠電話遮掩，詳情即睇：【下一頁】

每朝索取《晴報》：精明生活．健康家庭．開心娛樂 

責任編輯：李凱晴