【香港放遊】粉嶺「聯和趁墟」5月正式開幕！

發佈時間: 2024-05-02 17:15:47

大家又多個活化歷史建築好去處，舊市場活化成新墟市，有餐廳，本地農產小店之外，亦會舉行市集、導賞團及工作坊。

-玩：活化之後保留唔少特色建築同設施，例如整個市場檔位間隔分佈，昔日的專為肉檔、糧油雜貨店設計金屬掛架、鐵閘、舊窗框、空氣對流通風的高側窗、柱身招牌及正門入口舊地磚等，想知更多可以參加導賞團了解。除此之外，場內互動展覽區做得好有心思，大家可於昔日店舖場景打卡，又有微縮聯和市場作品，及互動展品了解城鄉變遷、本地農業歷史。
-買：聯和市場以前係街市，今日嚟到依度都有嘢買，推介本地新鮮靚菜，漁農產品及手作小食。「菜市集」室外定期舉行主題巿集，重現以前趁墟嘅傳統，嚟緊母親節將舉行主題市集。
-食：「「聯和趁墟」內有西餐廳最特別保留市場舊間格，大家可坐喺以前檔口空間用餐。想輕食，咖啡店有不同口味咖啡、抹茶系列，芝士蛋糕及卷蛋，戶外設 Pet friendly zone 可以同毛孩開餐玩樂，而西餐廳旁戶外休閒空間「魚花園」定期舉行放映會、音樂表演、文化節慶等。
-「聯和趁墟」前身是聯和市場，建於 1951 年，是香港戰後首幢私營市場，2010年獲古物諮詢委員會評定為三級歷史建築。香港路德會社會服務處的建議書獲選第五期活化歷史建築伙伴計劃，為聯和市場進行活化。
【INFO】
聯和趁墟
地點︰粉嶺聯和道51號
開放時間︰星期一至日上午8時至晚上9時（逢農曆新年初一至初三休館）、「常設展覽區」逢星期三休館
「聯和趁墟」館內30分鐘免費導賞
https://lwm.org.hk/tour-visit/
註︰另有收費社區深度遊。步行導賞團、單車導賞團、不同主題工作坊，詳情參考 https://lwm.org.hk/latest-event/

WAKE UP Bistro
營業時間：8am – 9pm
地址：新界粉嶺聯和道51號（魚花園側門入口）
Let It Be 2.0 粉嶺聯和墟
營業時間：8:30am – 6:30pm
地址：粉嶺聯和墟聯和路店舖14-16

https://www.facebook.com/luenwomarkethk